Հայաստանյայց եկեղեցին այսօր

Մարկոս 16:15

Եւ նրանց ասաց. «Գնացէ՛ք ամբողջ աշխարհով մէկ եւ քարոզեցէ՛ք Աւետարանը բոլոր մարդկանց»:

Աշխարհի բազմաթիվ երկրներում Հայաստանյայց Առաքելական Եկեղեցին ունի եկեղեցական կառույցներ, որոնք կոչվում են թեմեր: Դարեր շարունակ,պատմական դեպքերով պայմանավորված, մասնավորապես 1915-1923թթ. ցեղասպանությունից հետո, հայերը հաստատվել են  տարբեր երկրներում: Ստեղծվել են հայկական համայնքներ եւ բնակչության  աճին զուգահեռ ` հասունացել է եկեղեցի ունենալու  պահանջը, զգացվել` այն հիմնադրելու անհրաժեշտությունը:

Եկեղեցին ունի հստակ կառուցվածք:

 Հայաստանյայց Առաքելական Եկեղեցու հոգեւոր եւ վարչական կենտրոնը Մայր Աթոռ Սուրբ Էջմիածինն է:

Ն.Ս.Օ.Տ.Տ Գարեգին Բ. Ամենայն Հայոց Կաթողիկոսի  հոգեւոր առաջնորդությամբ, Մայր Աթոռ Սուրբ Էջմիածնի, պատրիարքությունների, թեմերի, ծխերի, ճեմարանների եւ առավել եւս հոգեւոր դասի ու հավատացյալների հոգեւոր աջակցությամբ` կերտվում է Հայաստանյայց Եկեղեցու ապագան:

Այս բաժնում  ներկայացված են Նորին Սրբության կոնդակները, հատուկ ուղերձներն ու քարոզները, ինչպես նաեւ տեղեկատվություն Հայաստանյայց Առաքելական Եկեղեցու կյանքում  կատարվող կարեւոր իրադարձությունների, հոգեւոր դասի եւ եկեղեցու հաստատությունների մասին` ներգրավելով պատրիարքությունները, թեմերը, ծխերն ու ճեմարանները: Այս բաժինն անընդհատ կհամալրվի նոր տեղեկություններով:

Էջում առկա հղումները հնարավորություն են տալիս կապվել կից էջերին: