Լուրեր

«Ս. Գրիգոր Լուսավորիչ» շքանշան` Գաբրիել Ջամբարջիին

Մայր Աթոռ Սուրբ Էջմիածին, Տեղեկատվական համակարգ, 16 Դեկտեմբերի, 2008 

Դեկտեմբերի 15-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսը «Ս. Գրիգոր Լուսավորիչ» շքանշան հանձնեց տեր եւ տիկին Գաբրիել Ջամբարջիներին` բարձր գնահատելով ազգային կյանքում նրանց մատուցած ծառայությունները:

Շքանշանի հանձնման արարողությանը բացման խոսքով հանդես եկավ Մայր Աթոռ Սուրբ Էջմիածնի դիվանապետ Տ. Արշակ եպիսկոպոս Խաչատրյանը: Այնուհետեւ տիարք Շահեն Կարամանուկյանը եւ Լեւոն Սարգսյանն անդրադարձան մեծարյալների ազգօգուտ եւ եկեղեցաշեն գործունեությանը, նրանց առաքինի եւ բարերար ոգուն: Նրանք հանգամանորեն ներկայացրեցին Գաբրիել Ջամբարջիի ունեցած մեծ ներդրումը հայ-սիրիական կապերի հաստատման գործում, նրա հոգատար վերաբերմունքն ազգային կրթական եւ գիտական հաստատությունների նկատմամբ եւ որդիական զորակցությունը Հայաստանյայց Առաքելական Ս. Եկեղեցու առաքելությանը` շնորհակալություն հայտնելով Ամենայն Հայոց Հայրապետին` Ջամբարջի ամուսիններին բարձր գնահատանքի արժանացնելու համար:

Ապա «Էջ Միածինն ի Հօրէ» շարականի երգեցողության ներքո ներս բերվեց Հայրապետական սրբատառ կոնդակը, որն ընթերցեց Երեւանի Ս. Գրիգոր Լուսավորիչ մայր եկեղեցու հոգեւոր տեսուչ Տ. Անուշավան եպիսկոպոս Ժամկոչյանը:

Հայրապետական կոնդակում ի մասնավորի ասվում է. «...Ճանաչում ենք Ձեզ եւ Ձեր ոգին հայրենանվիրումի ու ազգասիրության եւ քաջատեղյակ ենք մեր ժողովրդի նվիրյալ զավակիդ եռանդուն եւ նախանձախնդիր գործունեությանը: Երկնառաք շնորհներով ու հաջողություններով բարեզարդ է աստվածօրհնյալ Ձեր կյանքը, որ դարձրել եք նվիրում հավատավոր մեր ժողովրդին եւ Հայրենի երկրին: Պատասխանատու հանձնառություններով եւ ազնիվ ջանադրությամբ Դուք տարիներ շարունակ գովարժան նպաստ եք բերում Սիրիայի հայ համայնքի բարօրությանը, ինչպես եւ ազգային կյանքի առաջընթացին` արժանիորեն վայելելով հայորդյաց սերն ու հարգանքը: Ազգանվեր սպասավորության Ձեր նվիրյալ եւ հավատավոր ընթացքը զարդարյալ է նաեւ Հայրենիքի հանդեպ սիրով իրագործված հայրենանպաստ ձեռնարկներով, կարեւոր ներդրումով Հայաստանի կրթական հաստատությունների առաքելության արդյունավորմանն ի խնդիր: Բացառիկ է Ձեր աջակցությունը հատկապես Մայր Հայրենիքի դպրոցներին: Հինգ հարյուրից ավելի դպրոցներ Ձեր նվիրաբերության շնորհիվ օժտվել են անհրաժեշտ բնագիտական լիակազմ լաբորատորիաներով, որոնք հնարավորություն են ընձեռում մանկավարժներին առավել արդյունավոր իրականացնել իրենց շնորհակալ գործունեությունը:

Կարեւորելով նոր սերնդի քրիստոնեական դաստիարակությունը` Դուք գովելի աջակցություն եք բերում մեր Մայր Եկեղեցու հովանու ներքո գործող Հայորդյաց Տների առաքելությանը` օգտակար լինելով այս հաստատություններում հազարավոր մանուկների ու պատանիների կրթության նվիրական գործին: Դուք սրտաբուխ նվիրատվություն կատարեցիք նաեւ Էջմիածնի Ներսիսյան անտառում Մայր Աթոռի նախաձեռնությամբ հիմնված մանկական խաղահրապարակի նոր հատվածի շինության համար, ուր Ձեր ազնիվ նյութական աջակցությամբ հաստատվելու են նաեւ խաղահրապարակի սարքավորումները` մեր սիրասուն մանուկների ժամանցն ու հանգիստը բարվոք կազմակերպելու համար»:

Կոնդակի ընթերցումից հետո Նորին Սրբությունը մեծարյալների կուրծքը զարդարեց Հայ Առաքելական Եկեղեցու բարձրագույն` «Ս. Գրիգոր Լուսավորիչ» շքանշանով:

Շքանշանի հանձնումից հետո Ամենայն Հայոց Կաթողիկոսին շնորհակալական խոսքով դիմեց պրն. Ջամբարջին` վստահեցնելով, որ պիտի շարունակի իր ծառայությունը ազգին եւ Եկեղեցուն:

Արարողությունը փակվեց Ամենայն Հայոց Հայրապետի օրհնության խոսքով: «Ուրախ ենք, որ մեր ազգի զավակների մեջ արթուն է բարեգործության ոգին, որ նրանք, ուր էլ որ ապրելիս լինեն, իրենց հայացքն ուղղված է դեպի Մայր Հայրենիքը, նաեւ դեպի Մայր Աթոռ Սուրբ Էջմիածինը` նվիրական մեր սրբօրանը, որ կրում են իրենց հոգուց ներս: ...Այս շքանշանը մի նոր առիթ պիտի լինի` ավելիով իրենց օգտաշատ ծառայությունը բերելու մեր Հայրենիքին, ազգային մեր կյանքին եւ Առաքելական մեր Սուրբ Եկեղեցուն», - ասաց Ամենայն Հայոց Հայրապետը` վերստին իր գնահատանքը հայտնելով նվիրյալ հայորդիներին:

Արարողությունը փակվեց Վեհափառ Հայրապետի «Պահպանիչ» աղոթքով:

Խորագրեր

Այց Եռաբլուր
Մայր Աթոռ Սուրբ Էջմիածին, Տեղեկատվական համակարգ, 05 April, 2021 

Ապրիլի 5-ին՝ մեռելոց հիշատակության օրը, Ն.Ս.Օ.Տ.Տ Գարեգին Երկրորդ Ծայրագույն Պատրիարք և Ամենայն Հայո ...

Ավելին
Ամենայն Հայոց Կաթողիկոսը համայն հայությանը հղեց Տիրոջ Սուրբ Հարության ավետիսը
Մայր Աթոռ Սուրբ Էջմիածին, Տեղեկատվական համակարգ, 04 April, 2021 

Ապրիլի 4-ին Հայաստանյայց Առաքելական Սուրբ Եկեղեցին տոնախմբեց մեր Տեր և Փրկիչ Հիսուս Քրիստոսի Հրաշափա ...

Ավելին
Ն.Ս.Օ.Տ.Տ. ԳԱՐԵԳԻՆ Բ ԱՄԵՆԱՅՆ ՀԱՅՈՑ ԿԱԹՈՂԻԿՈՍԻ ՊԱՏԳԱՄԸ ՄԵՐ ՏԵՐ ՀԻՍՈՒՍ ՔՐԻՍՏՈՍԻ ՀՐԱՇԱՓԱՌ ՀԱՐՈՒԹՅԱՆ ՏՈՆԻ ԱՌԻԹՈՎ
Մայր Աթոռ Սուրբ Էջմիածին, Տեղեկատվական համակարգ, 04 April, 2021 

Յանուն Հօր եւ Որդւոյ եւ Հոգւոյն Սրբոյ. ամէն: «Քրիստոս յարեաւ ի մեռելոց» (Շարական Հ ...

Ավելին
Ամենայն Հայոց Կաթողիկոսն ընդունեց Մայր Աթոռ այցելած Եվրախորհրդարանի պատգամավոր Ֆրանսուա- Քսավիե Բելամիին
Մայր Աթոռ Սուրբ Էջմիածին, Տեղեկատվական համակարգ, 04 April, 2021  (Անիրավազոր)

Ապրիլի 4-ին Ն.Ս.Օ.Տ.Տ Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ ...

Ավելին
Ոտնլավայի կարգը Մայր Աթոռ Սուրբ Էջմիածնում
Մայր Աթոռ Սուրբ Էջմիածին, Տեղեկատվական համակարգ, 01 April, 2021 

Ապրիլի 1-ին՝ Ավագ հինգշաբթի, հանդիսապետությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամեն ...

Ավելին
Ամենայն Հայոց Կաթողիկոսը հանդիպում ունեցավ Նարեկ սարկավագ Պետրոսյանի այրու հետ
Մայր Աթոռ Սուրբ Էջմիածին, Տեղեկատվական համակարգ, 31 March, 2021 

Մարտի 31-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուր ...

Ավելին
Ամենայն Հայոց Կաթողիկոսն ընդունեց ՀՀ-ում ԱՄՆ դեսպանին
Մայր Աթոռ Սուրբ Էջմիածին, Տեղեկատվական համակարգ, 30 March, 2021 

Մարտի 30-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուր ...

Ավելին
Հրաժեշտի հանդիպում ՀՀ-ում Ճապոնիայի դեսպանի հետ
Մայր Աթոռ Սուրբ Էջմիածին, Տեղեկատվական համակարգ, 29 March, 2021 

Մարտի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուր ...

Ավելին
Ծաղկազարդի տոնը Մայր Աթոռ Սուրբ Էջմիածնում
Մայր Աթոռ Սուրբ Էջմիածին, Տեղեկատվական համակարգ, 28 March, 2021 

Մարտի 28-ին Հայաստանյայց Առաքելական Սուրբ Եկեղեցին տոնակատարեց մեր Տեր Հիսուս Քրիստոսի Երուսաղեմ հաղ ...

Ավելին
ՄԱՅՐ ԱԹՈՌ ՍՈՒՐԲ ԷՋՄԻԱԾՆՈՒՄ ԱՎԱԳ ՇԱԲԱԹՎԱ ԱՐԱՐՈՂՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑ
Մայր Աթոռ Սուրբ Էջմիածին, Տեղեկատվական համակարգ, 26 March, 2021 

ԾԱՂԿԱԶԱՐԴ (մարտի 28) -Անդաստան և մանուկների օրհնություն` հանդիսապետությամբ Ն.Ս.Օ.Տ.Տ. Գարեգին Երկրոր ...

Ավելին
1  |  2  |  3  |  4  |  5  |  6  |  7  |  8  |  9  |  10  Հաջորդ >