Լուրեր

Ամենայն Հայոց Կաթողիկոսը «Ս. Սահակ-Ս. Մեսրոպ» շքանշաններ հանձնեց Արշակ Մադոյանին եւ Վահագն Ստամբոլցյանին

Մայր Աթոռ Սուրբ Էջմիածին, Տեղեկատվական համակարգ, 8 Հուլիսի, 2009 

Հուլիսի 3-ին, Մայր Աթոռ Սուրբ Էջմիածնում, Ն.Ս.Օ.Տ.Տ. Գարեգին Բ Ծայրագույն Պատրիարք եւ Ամենայն Հայոց Կաթողիկոսի հանդիսապետությամբ տեղի ունեցավ հայագետ Արշակ Մադոյանի եւ երգեհոնահար Վահագն Ստամբոլցյանի մեծարման հանդիսությունը: Հայրենիքին, հայ մշակույթին եւ Հայ Առաքելական Եկեղեցուն բերած ծառայությունների համար Հայրապետական կոնդակով նրանք արժանացան Հայոց Եկեղեցու «Ս. Սահակ-Ս. Մեսրոպ» պատվո բարձր շքանշանին:

Հանդիսության ընթացքում նշանավոր երգեհոնահար Վահագն Ստամբոլցյանի կյանքին եւ գործունեությանն անդրադարձավ կոմպոզիտոր, կոմիտասագետ Արթուր Շահնազարյանը: Նա իր խոսքում նշեց, որ խորհրդային տարիներին Վահագն Ստամբոլցյանի խիզախության շնորհիվ եկեղեցուց դուրս բազմաթիվ երաժշտասերներ հաղորդ դարձան հայ հոգեւոր երաժշտությանը եւ Հայոց Եկեղեցու անմահ գանձերին: Բանախոսը կարեւորեց նաեւ մեծարյալի մանկավարժական բեղուն գործունեությունը Կոմիտասի անվան կոնսերվատորիայում:

Հայագետ Արշակ Մադոյանի անցած ուղին ներկայացրեց Գեւորգյան Հոգեւոր ճեմարանի դասախոս Պետրոս Հովհաննիսյանը: Նա ընդգծեց մեծարյալի նվիրումը հայ մշակույթին եւ հայ մատենագրությանը` կարեւորելով նրա հայագիտական աշխատությունները եւ գիտամանկավարժական գործունեությունը:

Այնուհետեւ «Էջ Միածինն ի Հօրէ» հոգեզմայլ շարականի երգեցողության ներքո Վեհարանի հանդիսությունների սրահ բերվեցին Հայրապետական Սրբատառ կոնդակները, որոնք ընթերցեցին Մայր Աթոռի դիվանապետ Տ. Արշակ եպիսկոպոս Խաչատրյանը եւ Մայր Աթոռի լուսարարապետ Տ. Արարատ եպիսկոպոս Գալթագճյանը:

«Ուրախություն է Հայրապետիս համար բարձր գնահատանքի արժանացնել Ձեզ` հայագիտությանն ու հայ գրականությանը արգասավոր ծառայություն մատուցած նվիրյալ հայորդուդ: Բեղուն է գիտական եւ մանկավարժական երկարամյա Ձեր գործունեությունը եւ երախտարժան` Ձեր վաստակը, որ արդյունք է անխոնջ գիտնականիդ տարիների անդուլ ու ջանադիր աշխատանքի: Այսօր Մայր Հայրենիքում ու նրա սահմաններից դուրս լայնորեն ծանոթ են հայ հին եւ արդի գրականությանը եւ մեր ժողովրդի պատմությանը նվիրված Ձեր գրքերն ու հոդվածները, որոնցում արտացոլված է նաեւ Ձեր սերը մեր ժողովրդի ու Հայրենիքի, մեր երանաշնորհ հայրերի ավանդների հանդեպ: Դուք առանձնակի կարեւորութիւն եք ընծայել եկեղեցական մեր հարուստ ժառանգության ուսումնասիրմանը` հրատարակելով արժեքավոր աշխատություններ Հայ Եկեղեցու եւ անվանի հայ եկեղեցականների վերաբերյալ եւ աշխարհաբարի վերածելով բազմաթիվ գործեր մեր հոգեւոր գրականության գանձարանից»,- ասվում է Արշակ Մադոյանին ուղղված հայրապետական կոնդակում:

«Ձեր կյանքը ամբողջական նվիրում ու ծառայություն է երաժշտական արվեստին: Տասնամյակներ շարունակ Դուք մեր ժողովրդին եք մատուցում Ձեր բարձր ու գեղեցիկ արվեստը` սիրով ու հիացմունքով համակելով ունկնդիրներին երգեհոնային երաժշտության հանդեպ: Ուրախ ենք հաստատելու, որ Ձեր կատարումներում հատուկ տեղ են գրավել հայ հոգեւոր երաժշտության գանձերը: Այսօր էլ, տասնյակ տարիներ անց հայորդյաց հիշողության մեջ թարմ են տաղանդաշատ երգչուհի Լուսինե Զաքարյանի հետ Ձեր համատեղ ելույթների անկրկնելի տպավորությունները»,- նշվում է Վահանգն Ստամբոլցյանին ուղղված Սրբատառ կոնդակում:

Շնորհակալություն հայտնելով Վեհափառ Հայրապետին գնահատանքի եւ ուշադրության համար` հանդիսության մեծարյալները շեշտեցին, որ պիտի շարունակեն իրենց անսակարկ ծառայությունը հայ ժողովրդին, հայ մշակույթին եւ Հայ Առաքելական Եկեղեցուն:

Վերջում ներկաներին իր օրհնության խոսքն ուղղեց Ամենայն Հայոց Կաթողիկոսը: Անդրադառնալով մեծարյալներին կյանքին` Նորին Սրբությունը նշեց, որ այն եղել է համակ սեր եւ նվիրում իրենց գործին եւ հայ մշակույթին: Հայոց Հայրապետը ստեղծագործական անհուն եռանդ մաղթեց նրանց, որպեսզի իրենց հավատավոր եւ հայրենասեր շնչի ներքո դեռ երկար տարիներ հասակ առնեն եւ դաստիարակվեն բազում հայորդիներ:

Հանդիսությանը գեղարվեստական հայտագրով հանդես եկան «Նոր անուններ» խմբի պատանի երաժիշտները:

Միջոցառմանը ներկա էին Մայր Աթոռի միաբաններ, գիտության եւ մշակույթի գործիչներ:

Խորագրեր

ՄԱՅՐ ԱԹՈՌ ՍՈՒՐԲ ԷՋՄԻԱԾՆՈՒՄ ԱՎԱԳ ՇԱԲԱԹՎԱ ԱՐԱՐՈՂՈՒԹՅՈՒՆՆԵՐԻ ԺԱՄԱՆԱԿԱՑՈՒՅՑ
Մայր Աթոռ Սուրբ Էջմիածին, Տեղեկատվական համակարգ, 26 March, 2021 

ԾԱՂԿԱԶԱՐԴ (մարտի 28) -Անդաստան և մանուկների օրհնություն` հանդիսապետությամբ Ն.Ս.Օ.Տ.Տ. Գարեգին Երկրոր ...

Ավելին
Ամենայն Հայոց Կաթողիկոսն ընդունեց Արցախի թեմում ձեռնադրված նորաօծ քահանաներին
Մայր Աթոռ Սուրբ Էջմիածին, Տեղեկատվական համակարգ, 23 March, 2021 

Մարտի 22-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուր ...

Ավելին
Նոր նշանակում
Մայր Աթոռ Սուրբ Էջմիածին, Տեղեկատվական համակարգ, 22 March, 2021 

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ ...

Ավելին
Հանդիպել են Ամենայն Հայոց Կաթողիկոսը և ՀՀ նախագահը
Մայր Աթոռ Սուրբ Էջմիածին, Տեղեկատվական համակարգ, 20 March, 2021 

Մարտի 20-ին Մայր Աթոռ Սուրբ Էջմիածնում տեղի ունեցավ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և ...

Ավելին
Հանդիպում 1921 թ․ մոսկովյան պայմանագրի 100-ամյակի առիթով հրավիրված կլոր սեղան-քննարկման մասնակիցների հետ
Մայր Աթոռ Սուրբ Էջմիածին, Տեղեկատվական համակարգ, 19 March, 2021 

Մարտի 19-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայո ...

Ավելին
Նոր նշանակումներ
Մայր Աթոռ Սուրբ Էջմիածին, Տեղեկատվական համակարգ, 19 March, 2021 

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ ...

Ավելին
Կատարվել են նոր նշանակումներ
Մայր Աթոռ Սուրբ Էջմիածին, Տեղեկատվական համակարգ, 15 March, 2021 

Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի հայրապետական տնօրինությամբ ...

Ավելին
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի շնորհավորական ուղերձը Մարտի 8-ի` Կանանց տոնի առիթով
Մայր Աթոռ Սուրբ Էջմիածին, Տեղեկատվական համակարգ, 07 March, 2021 

Մայր Աթոռ Սուրբ Էջմիածնից Հայրապետական Մեր օրհնությունն ու ջերմ բարեմաղթանքներն ենք բերում տիկնանց և ...

Ավելին
Ամենայն Հայոց Կաթողիկոսը հյուրընկալեց «Նագգաշյան մանուկների տան» մանկավարժներին և շրջանավարտներին
Մայր Աթոռ Սուրբ Էջմիածին, Տեղեկատվական համակարգ, 05 March, 2021 

< Մարտի 5-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր ...

Ավելին
Ամենայն Հայոց Կաթողիկոսն ընդունեց «Հայոց Եկեղեցու պատմություն» առարկայի հանրապետական օլիմպիադայի հաղթողներին
Մայր Աթոռ Սուրբ Էջմիածին, Տեղեկատվական համակարգ, 04 March, 2021 

Մարտի 4-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ ...

Ավելին
1  |  2  |  3  |  4  |  5  |  6  |  7  |  8  |  9  |  10  Հաջորդ >