Մայր Աթոռ Սուրբ Էջմիածնի հովանու ներքո գործող «Էօրնեկեան հանրակրթական դպրոց» հանրակրթական ուսումնական հաստատություն-հիմնարկը հիմնադրվել է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի կողմից 2009 թ.։ Դպրոցի ներկայիս շենքը կառուցվել է ՀՀ Ազգային հերոս, արգենտինահայ գործարար և բարերար Էդուարդո Էօրնեկեանի հովանավորությամբ և 2009 թ. սեպտեմբերի 1-ից կրում է վերջինիս անունը:
Էօրնեկեան հանրակրթական դպրոցը եռաստիճան է՝ տարրական, միջին և ավագ բաղադրիչներով: Դպրոցն անվճար է, իսկ կրթությունն իրականացվում է պետական ծրագրով:
Էօրնեկեան հանրակրթական դպրոցում գործում են վեց առարկայական մասնախմբեր՝
հայոց լեզվի և գրականության,
պատմության,
բնագիտամաթեմատիկական,
օտար լեզուների,
տարրական դասարանների,
ֆիզիկական և հոգևոր զարգացվածության։
Դպրոցի ուսումնական ամեն օրը սկսվում է անձնակազմի, ուսուցչական կազմի և աշակերտների միասնական` Տերունական ու աշակերտական «Արարիչ անճառելի» աղոթքներով։
Դպրոցի 33 դասարաններում այժմ ուսանում է 495 աշակերտ։
Տեսուչ՝ Արժանապատիվ Տ․ Արսեն քահանա Միրզոյան
Դպրոցի տնօրեն՝ Սուսաննա Վարդանյան
կայք՝ www.eurnekianschool.am
Էլ փոստ՝ [email protected]
Հեռ. +374-0231-52-428