1993 թվականին, նախաձեռնությամբ Արարատյան հայրապետական թեմի առաջանորդական փոխանորդ Գերաշնորհ Տ․ Գարեգին արք․ Ներսիսյանի (1999-ից Ն. Ս. Օ. Տ. Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոս) և աջակցությամբ Հայկական բարեգործական ընդհանուր միության նախագահ մեծազնիվ Լուիզ Մանուկյան Սիմոնի, Արարատյան Հայրապետական Թեմը ստանձնեց Երևանում գործող մանկապատանեկան ստեղծագործական կենտրոններից երեքի կառավարումը, որոնք վերանվանվեցին հայորդյաց տներ: Ծրագիրն իրագործվեց ՀԲԸՄ-ի և անհատ բարերարների (Սարգիս և Հռութ Բեդևյաններ, Միքայել և Մարի Հարությունյաններ, Հրաչ և Սյուզան Թուֆայաններ, Սանդրա Շահինյան Լեյթներ («Գուլամերյան» հիմնադրամ) աջակցությամբ:
Այսօր Հայաստանում գործում է 8 հայորդյաց տուն, որոնցից 4-ը՝ քաղաքամայր Երևանում (Նոր Նորք, Արաբկիր, Մալաթիա Սեբաստիա, Քանաքեռի մանրանկարչության կենտրոն), իսկ մնացյալ 4-ը՝ մարզերում (Վաղարշապատ, Վանաձոր, Աշտարակ, Գյումրի քաղաքներում):
Հայորդյաց տներում երեխաներն ուսանում են կիրառական արվեստ, կերպարվեստ, երգ-երաժշտություն, պար, կրկեսային խաղեր, լրագրություն, ավիամոդելավորում, օտար լեզուներ: Գործում են նաև սպորտային խմբակներ։ Հայորդյաց տներում շարունակաբար իրագործվում են նորանոր ծրագրեր, կազմավորվում նոր դասարաններ:
Հայորդյաց տներում ստացած կրթությունը սաներին մեծապես օգնում է հետագա մասնագիտական ընտրության հարցում։
Ամեն տարի կազմակերպվում են զանազան միջոցառումներ` ցուցահանդեսներ, սպորտային մրցումներ, բարեգործական և տարեվերջյան հաշվետու համերգներ, տոնակատարություններ, ուխտագնացություններ և այլն: Հայորդյաց տների սաները մասնակցում են հանրապետական և միջազգային ցուցահանդես-մրցույթների, սպորտային մրցումների, համերգների` արժանանալով պարգևների և բարձր մրցանակների:
Հայորդյաց տները զանազան ձեռնարկներ և միջոցառումներ են կազմակերպում կրթական այլ կառույցների հետ և ունեն համագործակցության լայն շրջանակներ:
Հայորդյաց տների գործունեությունը նպատակամղված է պատանի հայորդիների մեջ կերտել հայ մարդու ազգային, բարոյական ճշմարիտ կերպարը, սովորեցնել արվեստի, արհեստի կամ սպորտի բնագավառի հմտությունները, որպեսզի նրանցից յուրաքանչյուրը դառնա ազգային արժեքների գիտակից կրողն ու քրիստոնեական հավատի նվիրյալ հետևորդը:
Հայորդյաց տների կենտրոնական գրասենյակ
Հոգևոր տեսուչ՝ Հոգեշնորհ Տ. Հարություն վարդապետ Կիրակոսյան
ՀՀ, ք. Երևան, Հ. Ներսիսյան 14
Հեռ. +374 (10) 28–00–17
Էլ. փոստ՝ [email protected]
Արաբկիրի հայորդյաց տուն
ՀՀ, ք. Երևան, Հ. Ներսիսյան 14
Հեռ․ +374 (10) 28 38 14 +374 (10) 28 15 06
Նորքի հայորդյաց տուն
ՀՀ, ք. Երևան, Նոր Նորք 7-րդ զանգված, Դավիթ Բեկի 60
Հեռ. +374 (10) 66 60 05
+374 (10) 66 77 50
Մալաթիայի հայորդյաց տուն
ՀՀ, ք. Երևան, Սեբաստիա 37
Հեռ․ +374 (10) 74 68 25+374 (10) 74 69 39
Էջմիածնի «Հրաչ և Սյուզան Թուֆայան» հայորդյաց տուն
ՀՀ, ք. Էջմիածին, Իսի-Լե Մուլինո 8 շենք
Հեռ․ +374 (231) 43 850
+374 (231) 55 038
Քանաքեռի Մանրանկարչության արվեստի կենտրոն
ՀՀ, ք. Երևան, Քանաքեռ, 6-րդ փող., 29 շենք
Հեռ․ +374 (10) 28 05 22
Վանաձորի հայորդյաց տուն
ՀՀ, ք․Վանաձոր, Աղայան 86 բն․
Հեռ․ +374 (322) 28 530
+374 (322) 28 550
Գյումրու հայորդյաց տուն
ՀՀ, ք. Գյումրի, Օզանյան 1
Հեռ՝ +374 (312) 45 959
Աշտարակի հայորդյաց տուն
ՀՀ, ք. Աշտարակ, Սիսակյան 6
Հեռ. +374 (232) 33 115