Եռահարկ շենք է, որը գտնվում է սարկավագական հանրակացարանի արևելյան կողմում: Կառուցվել է 1978 թ.՝ «Գալուստ Գյուլբենկյան հիմնադրամի» միջոցներով: Նախագծի հեղինակը Բաղդասար Արզումանյանն է։ Շենքը նախագծված է այնպես, որ ներդաշնակ լինի Ղազարապատին և ընկալվի որպես դրա բնական շարունակություն: Վանատան շինարարությունն ավարտվել է 1978 թ. աշնանը, իսկ բացումը տեղի է ունեցել Վազգեն Ա Հայրապետի ծննդյան 70-ամյակի առթիվ կազմակերպված հանդիսությունների օրերին:
2007 թ. բարերար Ջեյմս Գալուստյանի նվիրատվությամբ կատարվել է շենքի վերանորոգում։