Իրանահայ Միհրան Բուխանյանի նվիրատվությամբ որոշվեց աղբյուր կառուցել՝ ի հիշատակ Մկրտիչ Ա Խրիմյան կաթողիկոսի: Նախագծի հեղինակն է Արեգ Իսրայելյանը: Աղբյուր-հուշարձանը կոթողաձև է, վերասլաց: Վերին մասում այն պսակված է գլուխը խրոխտ, թևերի վերնամասը վարդակաձև արծվի քանդակով: Հուշարձանի հորինվածքում քանդակի միջոցով մուծված է երկաթե շերեփի գաղափարը, որը միաձույլ է աղբյուր-հուշարձանի հորինվածքի հետ: Ճակատային հարթության վրա փորագրված է Խրիմյան Հայրիկի պատգամը: Աղբյուր-հուշարձանի բացման արարողությունը տեղի է ունեցել 1982 թ. հոկտեմբերի 12-ին: