Հորինվածքային միասնության մեջ է Բաց Խորանի հետ: Այն ճարտարապետությամբ միանգամայն տարբեր է մյուս երկու դարպասներից և նվիրված է Հայաստանում քրիստոնեության պետական կրոն հռչակման 1700-ամյակին: Կոթողի ճարտարապետներն են Ջիմ Թորոսյանն ու Ռոմեո Ջուլհակյանը, իսկ մեկենասը՝ Լուիզ Մանուկյան Սիմոնը: Արևելյան ճակատին` կամարի մեջտեղում, 3 մ բարձրությամբ խաչն է, որի երկու կողմերում Ս. Տրդատ Գ թագավորի ու Ս. Գրիգոր Լուսավորչի հարթաքանդակներն են: Արևմտյան ճակատին զետեղված են Հայաստանում քրիստոնեությունը տարածող Ս. Թադեոս և Ս. Բարդուղիմեոս առաքյալների հարթաքանդակները: Կառուցվել է 2001 թ.: